वीरगंज | नेपालमा पछिल्लो २४ घण्टामा थप ५ हजार ८ जनामा कोरोना भाइरसको संक्रमण पुष्टि भएको छ। यो एकैदिन थपिएका संक्रमितमध्ये अहिलेसम्मकै उच्च संख्या हो।

शनिबार स्वास्थ्य तथा जनसंख्या मन्त्रालयले दिएको जनाकारी अनुसार देशभरमा उपत्यकाका तीन जिल्लामा २ हजार ६७२ सहित देशभरमा थप ५ हजार ८ जनामा कोरोना भाइरसको संक्रमण देखिएको हो।

शनिबार सबैभन्दा बढी काठमाडौँमा २ हजार १ सय जनामा संक्रमण देखिएको छ। त्यस्तै बढी संक्रमित थपिएका अन्य जिल्लामा सुनसरी ३९४ मोरङ ३६९, ललितपुर ३६९, रुपन्देही २१५, भक्तपुर २०२, चितवन १४७ र सुर्खेत १३४ रहेका छन्।योसँगै नेपालमा कोरोना संक्रमितको संख्या १ लाख ५ हजार ६८४ पुगेको छ।मन्त्रालयका प्रवक्ता जागेश्वर गौतमका अनुुसार आज देशभरमा सक्रिय संक्रमितको संख्या ३० हजार ८१८ रहेको छ।

हेरौँ कुन जिल्लामा कति संक्रमित थपिए?