पोखरिया । राजन कुमार बानिया । विश्व हात धुने दिवसको अवसरमा जीराभवानी गाउँपालिका–३ नमूना बस्ती परसवा टाँडीमा बाल्टिन वितरण गरिएको छ।
वडा कार्यालयमा आयोजित कार्यक्रममा युएन हेबिटासको सहयोगमा विकास नेपालले सो टोलका पचास घरधुरीमा १५ लिटरको बाल्टीन वितरण गरेको हो।
वडाध्यक्ष उमेशकुमार सिंहको अध्यक्षतामा भएको कार्यक्रममा विकास नेपालका सुनील हजराले महिला र बालबालिकालाई हात धुने तरीका अभ्यास गराएका थिए। सहभागी पचासजनालाई नल जडित १५ लिटरको बाल्टिन हस्तान्तरण गरिएको थियो। घरमा हातधुने बानी बसाल्न सो बाल्टिन हस्तान्तरण गरिएको बताइएको छ। कार्यक्रममा वडासचिव रामनारायण प्रसाद, नेकपाका भोला महतो थारू, कार्यपालिका सदस्य राजेन्द्र हजरा, सरसफाइ अभिकर्ता पुष्पा चौधरीलगायतको सहभागिता थियो।