वीरगंज | पर्सा प्रहरीले बुधबार राती प्रतिबन्धित लागु औषध गाँजा सहित एक जनालाई पक्राउ गरेको छ । पक्राउ पर्नेमा पटेर्वासुगौली गाउपालिका ५ देउरियाका राजु ओझैया रहेका छन । उनको साथबाट एकसय ३१ किलो गाजा बरामद भएको पर्साका प्रहरी प्रवक्ता मनोजित कुँवरले जानकारी दिए ।

विशेष सूचनाको आधारमा जिल्ला प्रहरी कार्यालय पर्साबाट खटिएको प्रहरी टोलीले ओझैयाको घरमा छापा मारेर गाँजासहित पक्राउ गरेको उनले बताए ।

गाँजासहित पक्राउ परेका ओझैयालाई जिल्ला  प्रहरी कार्यालय पर्साको हिरासतमा राखेर थप अनुसन्धान भइरहेको कुँवरले बताए । ओझैयाको घरमा छापा मारेर खानतलासी गर्दा धेरै पोकामा रहेको एकसय ३१ केजी गाजा  बरामद भएको प्रहरीले जनाएको छ ।