वीरगंज | वीरगंजस्थित नारायणी अस्पतालमा गएराति गरिएको पिसिआर परिक्षणमा जम्मा ८ जनामा कोरोनाभाइरस संक्रमण आर्थात कोभिड-१९ पुष्टि भएको छ ।निषेधाज्ञा र लकडाउन खुकुलो भएर स्थानीयहरुको जीवन पुन: आफ्नो लयमा फर्किँदापनि संक्रमितको संख्या घट्नु शुभ संकेत हो । तर यहाँ संक्रमितहरुको संख्या घट्ने कारण भने टेस्टिङको दायरामा कमि आउनु हो ।

पछिल्लो समय नारायणी अस्पतालको प्रयोशालमा टेस्टिङको संख्या घट्दै गएको छ । दैनिक हजारवटा टेस्टिङ गर्न सक्ने क्षमता बोकेको अस्पतालमा अहिले भने बढीमा सय वटा भन्दापनि कम टेस्टिङ भइरहेको छ ।आइतबार राति नारायणी अस्पतालमा गरिएको परिक्क्षणमा संक्रमण पुष्टि भएका ८ जनामध्ये ३ जना पर्सा, ४ जना बारा र १ जना सर्लाहीका बासिन्दा रहेको अस्पतालका प्रवक्ता एवम् वरिष्ठ चर्म रोग विशेषज्ञ डाक्टर अतुलेशकुमार चौरसियाले जानकारी दिए ।

पर्साको वीरगंज महानगरपालिका वडा नम्बर ११ का एक जना २७ वर्षीय एक पुरुष र जिराभावानी गाउँपालिका वडा नम्बर ३ का एक जना २४ वर्षीय र वडा नम्बर १ का एक जना ३८ वर्षीय पुरुष रहेको उनले बताए ।

प्रवक्ता डाक्टर चौरसियाले बाराको जितपुरसिमरा उपमहानगरपालिका वडा नम्बर २ का एक जना २८ वर्षीय पुरुष, करैयामाई गाउँपालिकाका एक जना २२ वर्षीय पुरुष र सदरमुकाम कलैया उपमहानगरपालिकाका एक जना २२ वर्षीय पुरुष रहेको जनाए ।उनले सर्लाहीको बलरा नगरपालिकाको वडा नम्बर ११ का एक जना २७ वर्षीय पुरुषमा पनि संक्रमण पुष्टि भएको जानकारी दिए ।थपिएका संक्रमितहरु २२ वर्षदेखि ७० वर्ष उमेर समुहसम्मका रहेको डाक्टर चौरसियाले बताए । उनीहरुको सिटि भ्यालु १८ देखि ३० सम्म रहेको छ ।