विरगंज । केही समय सक्रिय संक्रमित प्रहरीको संख्या घट्दै गए पनि पछिल्लो समय संक्रिय संक्रमित बढेका छन् । सुरक्षाको अग्रपंक्तिमा रहेर काम गर्ने प्रहरीमा कोरोना संक्रमितको संख्या ४ हजार ३३८ पुगेको छ ।  जसमध्ये २ हजार ५ सय १५ जना डिस्चार्ज भएका छन् भने १ हजार ८ सय २३ जना सक्रिय संक्रमित छन् ।

प्रहरी प्रधान कार्यालयमै २ सय ९९ जनामा कोरोना संक्रमण देखिएको छ । सक्रिय संक्रमितमा काठमाडौं उपत्यकामा ६४२, प्रदेश १ मा १५९, प्रदेश २ मा ११६, वाग्मती प्रदेशमा १२७, गण्डकी प्रदेशमा १६३, प्रदेश ५ मा १६९, कर्णाली प्रदेशमा ४९ र सुदूरपश्चिम प्रदेशमा ९९ जना छन् ।