विराटनगर | मोरङको उर्लाबारीमा एक संक्रमितको होमआईसोलेसनमा मृत्यु भएको छ । उर्लाबारी २ की ८४ वर्षीया बृद्धाको बिहीवार विहान मृत्यु भएको हो।

दीर्घरोगी बृद्धाको विराट मेडिकल कलेज बुढीगंगामा उपचारका क्रममा कोरोना परीक्षण गर्दा संक्रमण देखिएपछि होम आईसोलेसनमा राख्ने भन्दै परिवारले अस्पतालबाट लगेका थिए।

मृतकका परिवार अहिले होमआईसोलेसनमा छन्। बृद्धाको शव नेपाली सेनाको टोलीले व्यवस्थापनको तयारी सुरु गरेको उर्लाबारी नगरपालिका स्वास्थ्य शाखाका सहसंयोजक सुरेश खड्काले जानकारी दिए। यसअघि विराटनगरमा एक संक्रमितको होमआईसोलेसनमा मृत्यु भएको थियो।