विरगंज ।भारतसँग सिमाना जोडिएको पर्साको सीमावर्ती इनर्वा गाउँमा भण्डारण गरी राखिएको ठूलो परिमाणमा हरियो केराउ प्रहरीको टोलीले बरामद गरेको छ ।भारत पठाउन सिमा नजिकै अबैधरुपले गोदाम राखि त्यसमा केराउ भण्डारण भएको अवस्थामा प्रदेश २ प्रहरी कार्यालय तथा जिल्ला प्रहरी कार्यालय पर्साबाट खटिएको संयुक्त प्रहरी टोलीले केराउ नियंत्रणमा लिएको हो । गोदामबाट ५० किलोको ६ हजार ५ सय बोरा बरामद भएको हो ।

बरामद गरिएको केराउको बजार मूल्य २ करोड ६० लाख रुपैयाँ रहेको व्यापारीले जनाएका छन् । भारततर्फ तस्करी गर्ने उद्देश्यले सिमाना नजिकै भण्डारण गरिएको केराउ बरामद गरिएको प्रहरीले जनाएको छ ।

ललितपुर निवासी बेदान्त जंग राणा संचालक रहेको बाराको परवानीपुर गाउपालिका वडा नम्बर ३ लिपनीमालमा स्थित श्री प्रिज्म एग्रो कमोडिटिज ट्रेडिङ्ग प्रालिले बीरगन्ज महानगरको वडा नम्बर १६ इनर्वा बोर्डर नजिक अवैध रूपमा केराउ भण्डारण गरेको प्रदेश २ प्रहरी कार्यालयले जनाएको छ ।

‘अवैध कारोबार नियन्त्रणका लागि परिचालन गरिएको प्रहरी टोलीले मंगलबार राति नेपालबाट भारततर्फ सामान ओसार्ने ट्याक्टरको पिछा गर्दा गोदामसम्म पुगेको हो,’ डीआइजी धिरज प्रताप सिंहले भने, गोदामलाई सिल गरि प्रहरीले नियंत्रणमा राखेको छ ।

भारत पठाएर नाफा तथा भारुको बट्टा कमाउने दाउमा कतिपयको गोदाम मै केराउ, मरिच, छोकडा कुहिन थालेका छन , भने कतिपयले सिमा सिल रहेको अवस्थामा पनि तस्कर समुहबाट भारत तर्फ पठाउन सफल भइरहेका छन ।ना ६.त ८७१० नम्बरको ट्याक्टर समेत प्रहरीले नियन्त्रणमा लिएको छ । थप अनुसन्धानका लागि हरियो केराउ राजस्व अनुसन्धान कार्यालय पथलैयामा बुझाइने डीआइजी धिरज प्रताप सिंहले जानकारी दिनुभयो ।