बारा । ट्याक्टरले स्कुटीलाई ठक्कर दिँदा मृत्यु भएका पुरुषको सनाखत भएको छ ।मृत्यु हुनेमा जितपुर-सिमरा उपमहानगरपालिका-२ बस्ने २१ वर्षिय रोहन श्रेष्ठ रहेको जिल्ला प्रहरी कार्यालय, बाराका प्रवक्ता गौतम मिश्रले जानकारी दिए ।

मंगलबार जितपुरसिमरा उपमहानगरपालिका-१ पथलैया बिरगंज सडक खण्डको बन कार्यालय अगाडी सो दुर्घटना भएको हो ।

सिमराबाट पथलैयातर्फ जाँदै गरेको ना.६.त.८२८३ नम्बरको ट्याक्टरले पथलैयाबाट सिमरा तर्फ आउँदै गरेको ना.६२.प.८३८ नम्बरको स्कुटीलाई ठक्कर दिएको थियो ।

ठक्करबाट गम्भिर घाईते भएका श्रेष्ठलाई उपचारको लागी अल्पाईन अस्पताल सिमरा लगिएको थियो ।

उनको उपचारको क्रममा मृत्यु भएको प्रवक्ता मिश्रले जानकारी दिए । उनका अनुसार ठक्कर दिने ट्याक्टर चालक सोही ठाउँका २५ वर्षिय भजन परियार प्रहरी नियन्त्रणमा छ्न् ।