सुनसरी । सुनसरीको धरानस्थित वीपी कोइराला स्वास्थ्य विज्ञान प्रतिष्ठानमा उपचाररत थप एक जना कोरोना संक्रमित पुरुषको मृत्यु भएको छ ।प्रतिष्ठानको कोभिड १९ अस्पतालमा असोज १० गते भर्ना भएका सप्तरी राजविराज ४ का ३९ वर्षीय पुरुषको बुधबार बिहान ३ बजेर १० मिनेटमा मृत्यु भएको हो।

असोज ९ गते कोभिड १९ पोजिटिभ देखिएका उनमा ज्वरो, खोकी, श्वासप्रश्वासमा अधिक समस्या रहेको प्रतिष्ठानका प्रवक्ता डा निदेश सापकोटाले बताए ।

त्यसैगरि, बिरामीमा १० वर्षदेखि मधुमेह, उच्च रक्तचाप, र मिर्गाैलामा समस्या भएर डाइलासिस हुँदै आएको उनले बताए।धरानमा हालसम्म ३७ जना संक्रमितको मृत्यु भइसकेको प्रतिष्ठानले जनाएको छ।