बिरगंज । शिक्षा विकास तथा समन्यव एकाई बाराले बाराको सबै स्थानिय तहलाई सरकारी निर्देशिका अनुसार नै पठान पाठन गर्न/ गराउन पत्रचार गरेको छ ।बारामा कोरोना महामारीका बिच संचालनमा आएका बिधालयहरु बन्द गर्न तथा बन्द रहेका विद्यालयहरुलाई समेत तत्काल नखुलाउन भन्दै शिक्षा विकास तथा समन्वय इकाई बाराले बाराका सबै स्थानिय तहलाई निर्देशन दिएको छ ।

शिक्षा विकास तथा समन्वय इकाई बाराका निमित प्रमुख बृजकिशोर प्रसादले एक सूचना प्रकाशित गरी बाराका सबै पालिकाहरुलाई कोरोना भाइरस (कोभिड (१९)को महामारी का कारण अवरुद्ध नियमित विद्यालय शिक्षालाई अर्को व्यवस्था नहुनजेलसम्म नेपाल सरकार शिक्षा विज्ञान तथा प्रविधि मन्त्रालयबाट जारी वैकल्पिक प्रणालीबाट विद्यार्थी सिकाई सहजीकरण निर्देशिका , २०७७ जारी भएको र सोही अनुसार सिकाई सहजीकरण गर्न गराउँन निर्देशन दिएको छ ।

बारामा निर्देशिका विपरीत अधिकांश विद्यालयहरुले विद्यार्थीहरुलाई कक्षाकोठामा समेत बोलाई पठनपाठन गर्न सुरु गरेको समाचारहरु प्रकाशित भए पछि इकाइको गम्भिर ध्यानाकर्षण भएको निमित प्रमुख बृजकिशोर प्रसादले बताउनु भएको छ ।उनले सरकारी निर्देशन पालना गर्न सबै पालिकाका निजि तथा समुदायिक विद्यालयहरुलाई अनुरोध गरेका छन् । पालिकाहरुलाई पठाइएको पत्र जिल्ला प्रशासन कार्यालय बारालाई पनि बोधार्थ गरिएको छ ।बाराको बारा गढी गाउँपालिका लगायतका केहि पालिकाहरुले सूचना नै प्रशाशित गरेर भौतिक रुपमै विद्यालय संचालन गर्ने निर्णय गरे पछि एकाई गम्भीर भएको हो ।