विरगंज । कृष्णा प्रसाद कुशवाहा । पर्सा जिल्लाको पूर्व–पश्चिम सडक सहित राधेमाई- गण्डक,रानीघाट – रामघडावा,ब्रहम चौक – तेश्रो बाइपास,श्रीपुर चौकी – मनियारी,आइसिपी – बहुवारी र अन्य भित्री सडक हिलाम्मे हुँदा पैदल हिँड्न र सवारी साधन चलाउन समस्या भएपछि सर्वसाधारणलाई सास्ती खेप्न बाध्य हुनुपरेको छ ।
सदरमुकाम वीरगंज हुँदै जिल्लाको विभिन्न पालिका सहित भारतीय सीमासँग जोडिने उतर–दक्षिण सडक लामो समयदेखि जीर्ण अवस्थामा रहँदा यस क्षेत्रका नागरिकहरु वर्षौंदेखि वर्षा याममा हिलो र हिउँदमा धुलोको मार खेप्दै आएका छन् ।
वीरगन्ज राधेमाई देखि गण्डक सम्म जाने बाटो राधेमाईको लाइफलाइनको रुपमा हेरिएको यो सडक कालिका कन्ट्रक्सको लापरवाही, निर्माणमा ठेकेदारको लापरवाही, सरकारी निकायको उदासिनता लगायतका कारणहरुले निर्माण कार्य निकै सुस्त रहेको छ । सडकको निर्माणकार्यले गति लिन नसक्दा राधेमाई का जनताहरु एक दशक भन्दा बढी देखि सास्ती भोगिरहेका छन् ।
हिउँदमा समेत हिलाम्मे हुने यो सडक वर्षातको समयमा डुबानमा पर्ने गरेको छ । सडक निर्माणको कामलाई अघि बढाउन माग गर्दै आपन राधेमाई युवा क्लब ध्यानाकर्षण गराइएको भएपनि कुनै सुनवाइ नभएको र सडकको अवस्था झनझन खराब हुँदै गएको आपन राधेमाई युवा क्लब का सचिव विनय कुशवाहा ले बताएका हुन् ।
मुलुकमा तीन तहको सरकार गठन भएसँगै तीनै तहको सरकारले सबभन्दा बढी सडकमा नै लगानी गरेका छन् । तर समान्य झरी पर्दा त्यही सडकमा हिंड्नै नसक्ने अवस्था आएको छ । सरकारका जनप्रतिनिधिले उपभोक्ता समिति मार्फत सडकमा लगानी गरे पनि सडकको अवस्था जस्ताको त्यस्तै छ । जनप्रतिनिधिले विकासका नाममा उपभोक्ता समिति मार्फत कार्यकर्ता पोस्ने काम मात्र गरेको स्थानीयको बुझाई छ ।
अहिले भइरहेको बर्षाले पकाहा मैनपुर गाउपलिका देखि पोखरीया नगरपालिका,पकह मैनपुर देखि छिपहर माई गाउँपालिका , पुग्ने सडक ठाउँठाउँमा खराब भएको छ भने निर्माणको काम चलिरहेको राधेमाई, रानीघाट,ब्रहम चौक सेकेण्ड बाइपास देखि तेश्रो बाइपास लगायतका ग्रामीण भित्री सडकहरु हिलाम्मे भएका छन् ।
