राजन कुमार बानिया पोखरिया११ असोज। 
आसमान नेपाल र पोखरिया नगरपालिकाको आयोजनामा छैठो सुरक्षित गर्भपतन दिवस आज पर्साको पोखरियामा समपन्न भएको छ। सुरक्षित गर्भपतन सेवा प्रतिको हाम्रो प्रतिबद्धता कोभिड -१९ को माहामारिमा पनि सेवाको सुनिश्चितता भन्ने मुल नाराको साथै भएको कार्यक्रममा नगर प्रमुख दिपनारायण रौनियारले अहिले पनि गाउँ घरमा असुरक्षित गर्भपतन गराउनेको संख्या बदिरहेकोले सो बारे सचेत हुन आग्रह गर्नु भयो।सकभर गर्भपतन न गराउ गराउनै परेमा नेपाल सरकारको मान्यता प्राप्त स्वास्थय संस्थाहरुमा गर्भपतन गराउन सुझाव दिनु भयो।वडा अध्यक्ष लक्ष्मण साह कानुको अध्यक्षतामा भएको कार्यक्रममा नेपाल रेड्क्रस सोसाइटी पोखरिया शाखाका सभापति भगवान कुर्मी ,पोखरिया अस्पतालका कार्यबाहक मेडिकल सुपरिटेन्डेन्ट संजय गुप्ता, शिक्षा शाखा प्रमुख बलदेव भट, अनमी दिपिका सिंह, लगाएतले मन्तवय व्यक्त गर्नु भएको थियो।आसमान नेपालका बिनि साहले संचालन गर्नु भएको कार्यक्रममा स्वागत मन्तवय राखी चौधरीले दिनु भएको थियो।