विरगंज । पर्सा, बारा र रौतहटमा थप २७ जनामा कोरोनाभाइरस संक्रमण पुष्टि भएको छ ।वीरगञ्जस्थति नारायणी अस्पतालको प्रयोशालामा गरिएको परिक्षण अनुसार पर्सामा २३, बारामा ३ र रौतहटमा १ जनामागरी थप २७ जनामा कोरोना संक्रमण पुष्टि भएको हो ।

अस्पतालका प्रवक्ता एवम् वरिष्ठ चर्म रोग विशेषज्ञ डाक्टर अतुलेशकुमार चौरसियाले दिएको जानकारी पर्सा, बारा र रौतहटका विभिन्न स्थानीय तहहरुबाट जम्मा गरेर ल्याइएको १ सय ९२ जनाको थ्रोट स्वाबको नमुनालाई अस्पतालको पिसिआर प्रयोशालमा परिक्षण गर्दा १० महिलासहित थपिएका संक्रमितहरुमा ८ वर्षीय बालकदेखि ७४ वर्षीय वृद्धसमेत रहेका छन् ।

बारास्थित जगदम्बा उद्योगबाट ल्याइएको २७ जनाकोपनि कोरोना परिक्षण गरिएको थियो ।उनले पर्सामा सबैभन्दा धेरै कालिकामाई गाउँपालिकामा संक्रमित थपिएको जानकारी दिए । कालिकामाई गाउँपालिकाको वडा नम्बर १ मा मात्र एघार जना संक्रमित थपिएका छन् । त्यसपछि वीरगञ्ज महानगरपालिकाको वडा नम्बर ४ मा तिन, वडा नम्बर १४ मा दुई र वडा नम्बर २, १०, २५ र २७ मा एक/एक जनागरी ९ जना संक्रमित थपिएको डाक्टर चौरसियाले बताए ।

पर्साको सखुवापरसौनी गाउँपालिका वडा नम्बर २ र बहुदरमाई नगरपालिका वडा नम्बर ७ मापनि एक/एक जना संक्रमण देखिएको छ । पर्साका १ सय ६६ जनाको परिक्षण गरिएको थियो ।यता बाराको फेटा गाउँपालिका, बारागढी गाउँपालिका र परवानीपुर गाउँपालिकाका बासिन्दामापनि संक्रमण पुष्टि भएको छ । तिनै पालिकाहरुमा एक/एक जना संक्रमित भेटिएको डाक्टर चौरसियाले जानकारी दिए । रौतहटका एक जनामापनि संक्रमित पुष्टि भएको छ ।नयाँ थपिएका संक्रमितको सिटी भ्यालु १४ देखि ३४ सम्म रहेको उनले बताए ।