वीरगंज । मेडिकल क्षेत्रमा सुधारको माग गर्दै अनसनरत प्राध्यापक डाक्टर गोविन्द केसीको समर्थमान वीरगञ्जमा आजपनि प्रदर्शन गरिएको छ ।

वीरगञ्जमा नेपाल चिक्तिसक संघ नारायणी अञ्चल शाखामा आवद्ध चिकित्सकहरु प्रदर्शन गरेका हुन् ।अस्पतालका चिक्तिसकहरुले चिकित्सक संघको कार्यालयमा एउटा कार्यक्रम आयोजना गरी केहीबेर प्रदर्शन गरेका थिए ।

प्रहरीले डाक्टर गोविन्द केसीसँग गरेको अभद्र व्यवहारको लागि माफी माग्दै उनको सम्पूर्ण जायज मागलाई सरकारले पूरा गर्नुपर्ने भन्दै प्रदर्शन गरेका थिए ।चिकित्सकहरुले हिजोदेखि हातमा कालो पट्टि बाधेर सांकेतिक विरोधसमेत गर्दै आएका छन् ।