वीरगंज। कोभिड-१९ बाट संक्रमित भएकी बलिउड कलाकार मलाइका अरोरा उपचारपछि अहिले आफ्नै घरमा आराम गरिरहेकी छिन्। लामो समय उपचारमा रहेकी उनले आफ्नो क्वारेन्टिन समय कसरी बितेको बारेमा जानकारी गराएकी छन्।

इन्स्टाग्रााम स्टोरीमा अरोराले टेलिभिजनको स्क्रिन साझा गर्दै क्वारेन्टिनमा आफूले हेरेका कार्यक्रमहरुको बारेमा जानकारी दिएकी छन्। १४ दिनको क्वारेन्टिन अवधिमा उनले ‘गन विथ द विन्ड’ लगायतका पुस्तकहरु पढेकी छन्।

उपचारको लागि बिताएका सबै समयलाई राम्रो बनाउन लागि परेकी मलाइकालाई एउटा कुरा खड्किएको थियो। क्वारेन्टिन समय अवधिभर छोरालाई भेट्न नमिल्ने कुराले उनलाई समस्या पारेको थियो।

हाल अर्जून कपूरसँग प्रेममा रहेकी मलाइकाको पूर्व पति अरबाज खानसँगका एक छोरा छन्।यस्तै उनले आफ्नो काम गर्ने ठाउँलाई सम्झिरहेकाे पनि बताएकी छन्। कोरोना संक्रमण हुनुभन्दा पहिले उनी भारतको नयाँ नृत्य रियालिटि कार्यक्रम ‘इन्डियाज बेस्ट डान्सर’ मा निर्णायक थिइन्। आइशोलेशनमा उपचार गराउनको लागि उनले ब्रेक लिएको जस्तो भएको छ। उनको स्थानमा चर्चित डान्सर नोरा फतेहीलाई राखिएको छ।