सत्याग्रही डा. गोविन्द केसीको समर्थनमा एक युवा समूहले माइतीघरमा प्रदर्शन गरेको छ । बिहीबार साँझ युवाहरूले काठमाडौंको माइतीघरमा डा. केसीका सबै मागहरु पूरा गर्नुपर्ने र उनको जीवन रक्षा गर्नुपर्ने भन्दै माइतीघर मण्डलामा वर्षाकाबीच प्लाष्टिक ओढेर प्रदर्शन गरेका हुन् ।
भदौ २९ गतेदेखि जुम्लाबाट डा. गोविन्द केसीले १९ औं अनसन सुरु गरेको नवौं दिन स्वास्थ्यमा देखिएको समस्याका कारण काठमाडौं आएका थिए । हाल उनी त्रिभुवन विश्वविद्यालय शिक्षण अस्पताल महाराजगन्जमा बसेका अनशनलाई निरन्तरता दिइरहेका छन् ।
युवाहरूले प्रदर्शन गर्दै डा. केसीका माग तत्काल कार्यान्वयन गर्न र लुटतन्त्र बन्द गर्न माग गरेका छन् |
