वीरगंज संजालवीरगंज | वाह गर्दा कतिपय घरपरिवारले ऋण लिने गर्छन् भने त्यो ऋण तिर्न वर्षाैंसम्म लाग्छ । तर जापानमा पैसा नभएर बिहे गर्न नसकेकाले व्यक्तिलाई सरकारले नै विवाह खर्च दिने भएको छ ।
सरकारी घोषणा अनुसार प्रक्रिया पुर्याएर नाम दर्ता गराउने व्यक्तिलाई जापान सरकारले विवाह खर्चबापत ४ लाख २० हजार रुपैयाँ दिने अन्तर्राष्ट्रिय सञ्चारमाध्यमले जनाएका छन् । यसरी विवाह गर्ने नवदम्पतीमाथि आर्थिक भार पर्ने छैन ।
जापान सरकारको सहयोग कार्यक्रम आगामी अप्रिल महिनामा मात्रै शुरू हुने गरी घोषणा गरिएको छ । जापानका नागरिकले ढिला बिहे गर्दा वा अविवाहित रहँदा देशको जन्मदरमा प्रभाव परेपछि सरकारले विवाहका लागि सहयोग गर्ने कार्यक्रम ल्याएको हो । सरकारले यो कार्यक्रमबाट विवाहित व्यक्तिको संख्या बढाउन चाहन्छ ।
कूल आय ३८ लाखभन्दा कम भएका र ४० वर्षमुनिका दम्पतीले सरकारी कार्यक्रमबाट लाभ लिनसक्ने जनाइएको छ । ३५ वर्ष उमेरका व्यक्तिको आय ३३ लाखसम्म भएमा आर्थिक सहायता २.१ लाख रुपैयाँ मात्रै दिइनेछ ।जापानमा प्रायः विवाहित जोडीबाट २ बच्चा हुन्छन् ।
पछिल्लो वर्षको रेकर्ड अनुसार जापानमा एक महिलाले आफ्नो जीवनकालमा औसत बच्चा जन्माउने संख्या १.३६ थियो । सन् २०१९ मा ८ लाख ६५ हजार बच्चा जन्मिएका थिए । जापानमा आर्थिक संकटका कारण विवाह नगर्ने समस्या रहेको अन्तर्राष्ट्रिय सञ्चारमाध्यमले उल्लेख गरेका छन् ।
