सुनसरी | सुनसरीकी १७ वर्षीया एक किशोरीलाई बली चढाउन भारत लैजान लागेको अवस्थामा प्रहरीले उद्धार गरेको छ । उनलाई विराटनगरमा पर्ने इस्लामपुरको बाटो हुँदै भारत लैजाने क्रममा उद्धार गरिएको हो ।

सप्तरी विष्णुपुर ५ का २८ वर्षीय सुमितकुमार मण्डल, सप्तरीको तिलाठीकैलाडी १ का २० वर्षीय प्रदीपकुमार मण्डल र मोरङको लेटाङ नगरपालिका ३ घर भएका सुनसरी रामधुनी ५ झुम्कामा डेरा गरेर बस्ने २२ वर्षीया मनिका ढकाल पक्राउ परेका हुन् ।

घटना गम्भीर देखिएका कारण विभिन्न कोणबाट अनुसन्धान थालिएको मोरङ प्रहरीले जानकारी दिएको छ ।