वीरगंज । जिल्ला प्रहरी कार्यालय पर्साको क्राइम ब्रान्चका प्रहरी निरीक्षक रवि भूषण यादव प्रदेश नम्बर २ प्रहरी कार्यालय जनकपुरधाम तानिएका छन् । प्रहरी निरीक्षक यादवले प्रहरी आचरण विपरीतको काम गरेकाले प्रदेश प्रहरी कार्यालयमा तानिएको स्रोतले दावी गरेको छ ।
कोरोना महामारीका कारण नेपाल सरकारले सिमा नाका बन्द गरेपनि पर्साको ग्रामिण भेग र सदरमुकाम वीरगञ्जको विभिन्न नाकाबाट निर्वाध रुपमा चलिरहेको तस्करीलाई रोक्न असफल भएपछि उनलाई प्रदेश प्रहरी कार्यालय तानिएको हो ।
स्रोतले दिएको जानकारी अनुसार उनले तस्करहरुसँग सेटिङ् मिलाएर केहि नाकाहरुबाट अबैध मालसामान भित्र्याउन सहयोग समेत गरेका थिए ।
उनले देखाएको गैर जिम्मेवारीपना बारे प्रदेश प्रहरी कार्यालयबाट कार्यशैली सच्याउन पटकपटक आग्रह गरिएपनि उनको व्यवहारमा कुनै परिवर्तन नआएपछि प्रदेश प्रहरी तानिएको स्रोतको दावी छ ।स्थानीयस्तरमा समेत यादव प्रति धेरै जनगुनासा आउने गरेका थिए ।https://yatradaily.com/
