वीरगंज संजालवीरगंज | झण्डै ६ महिनाअघिदेखि बन्द भएका लामोदुरीका सार्वजनिक यातायात सञ्चालनका लागि सरकारले अनुमति दिएको छ ।चैत १० गतेदेखि बन्द भएका लामोदुरीका गाडी आज (असोज १ गते) देखि सञ्चालन गर्न दिने निर्णय मन्त्रिपरिषद् बैठकले गरेको थियो ।
सरकारले लामोदुरीका सवारी साधन सञ्चालन गर्न दिने निर्णय गरे पनि यातायात व्यवसायीमा भने उत्साह देखिएको छैन ।लकडाउनको समयमा रोकिएको गाडी चलाउन न सरकारले अनुमति दियो तर फाइदा भने नहुने काठमाडौं बाग्लुङमा नाइट बस चलाउँदै आएका ध्रुव सेनले बताए ।
‘फाइदा छैन, तर सरकारले चलाउन न दियो, नचलाइ पनि नहुने,’ सेनले लोकान्तरसँग दुखेसो पोखे ।नयाँ बसपार्कमा यात्रुहरूको चहलपहल देखिएको छैन ।एक/दुई जना यात्रुबाहेक टिकट काट्न नआएको काउन्टरमा कार्यरत एक जना कर्मचारीले भने ।
‘बसपार्कमा अहिलेसम्म २/३ जना भन्दा धेरै यात्रु आउनुभएको छैन टिकट काट्न, बेलुकासम्म आउनुहुन्छ कि !’ ती कर्मचारीले कान्तरसँग भने ।बेलुकाका लागि काठमाडौंबाट बाग्लुङसम्म नाइट बसमा केही यात्रुहरूले टिकट काटेको चालक सेनले लोकान्तरलाई बताए ।
‘आज बाग्लुङ जाँदैछौं, ५ जनाको टिकट काउन्टरले काटेको छ, अरू ७ जना जतिले जान्छौं भन्नुभएको छ,’ सेनले भने । स्वास्थ्य मापदण्डअनुसार सिट क्षमताको आधा यात्रु राख्न पाइन्छ । त्यसले बस चलाउनका लागि स्टाफ खर्च पनि नपुग्ने व्यवसायीहरू बताउँछन् ।
‘४८ सीटको बसमा १२ जना प्यासेन्जर हुनुहुन्छ, त्यसले के फाइदा ? तेल खर्च पनि उठ्दैन,’ सेनले लोकान्तरसँग भने, ‘लैजान त पर्यो हेरम्, यसपालि फाइदा भएन भने फेरि बस थन्काउनु पर्छ घाटा खाएर त कसले चलाउँछ र ?’
