वीरगञ्ज। भारत सरकारले प्याज निर्यातमा रोक लगाएपछि नेपालमा प्याजको भाउ ह्वातै बढेको छ ।प्याजको भाउ बढेपछि छोट समयमा धेरै पैसा कमाउने दाउमा केहि व्यवसायीहरुले भने यसको कालोबजारी समेत सुरु गरेको पाइएको छ । प्याजको कृतम अभाव सृजना गरेर पर्सा र बाराका केहि व्यवसायीहरुले कालोबजारी गरिरहेको सूचना प्राप्त गरेपछि एक व्यवसायी पक्राउ समेत परेका छन् ।

जिल्ला प्रहरी कार्यालय बाराले विगत १/२ दिनदेखि प्याजको कृतिम अभाव देखाई खरिद मुल्यको दोब्बरसम्म बिक्रि वितरण गरीरहेको आरोपमा एक व्यवसायीलाई पक्राउ गरेको छ ।

पक्राउ पर्नेमा कलैया उपमहानगरपालिका वडा नम्बर १ निवासी चन्दन साह रहेका छन् । साहले सञ्चालन गरेको खुशी स्टोरमा ग्राहक बनी प्याज खरिद गर्दा उनले ४३ रुपैयाँमा खरिद गरेको प्याजलाई ८० रुपैयाँमा विक्री वितरण गरिरहेको पाइएको थियो ।

कालो बजारीमा संलग्न रहेको खुलेपछि प्रहरीले उनको स्टोरमा लुकाई राखेको प्रति बोरा १९ किलो भएको १४ बोरा र प्रति बोरा ४८ किलो भएको ४ बोरा गरी जम्मा ४५८ किलो प्याजसमेत नियन्त्रणमा लिएको छ ।पक्राउ गरेआची उनिमाथि कालो बजार तथा केही अन्य सामाजिक अपराध तथा सजाय ऐन, २०३२ अनुसार आवश्यक कारवाही सुरु गरिएको छ ।