वीरगंज | पछिल्लो २४ घण्टामा कोरोना भाइरसको संक्रमणबाट थप ८ जनाको मृत्यु भएको छ।बुधबार स्वास्थ्य मन्त्रालयले दिएको जानकारीअनुसार यसको संक्रमणबाट थप ८ जनाको मृत्यु भएको हो।

कोरोनाको संक्रमणबाट नेपालमा मृत्यु हुनेको संख्या ३ सय ७९ पुगेको छ। मृत्यु हुनेमा चार जना महिला छन् भने अन्य पुरूष छन्।

काठमाडौंकी ७१ वर्षीया र ७४ वर्षीया, बाराकी ४६ वर्षीया र काभ्रेकी ५५ वर्षीया महिलाको संक्रमणबाट मृत्यु भएको छ।

त्यस्तै, सुनसरीका ७० वर्षीय, सप्तरीका ३४ वर्षीय, काभ्रेका ४१ वर्षीय र कास्कीका ७० वर्षीय पुरूष छन्।

पछिल्लो २४ घण्टामा नेपालमा थप १ हजार ५ सय ३९ जनामा कोरोना भाइरसको संक्रमण पुष्टि भएको छ।

अहिलेसम्म ५८ हजार ३ सय २७ जनामा संक्रमण देखिएको छ भने ४१ हजार ७ सय ६ जना निको भइसकेका छन्।