पोखरिया। राजन कुमार बानिया। राष्ट्रिय बालदिवसको अवसरमा पर्साको पोखरीया नगरपालिका वडा न। ४ र ५ का बालबालिकालाई शैक्षिक सामाग्री वितरण गरिएको छ ।

नेपाली कांग्रेस निकट नेपाल विद्यार्थी संघ पोखरीया नगर कार्यसमितिले वडा न. ४ मा अवस्थित श्री नेपाल रेडक्रस प्राथमिक विद्यालयमा अध्ययनरत ६५ जना बालबालिकालाई र वडा न. ५ सतवरियामा रहेको श्री राधाकृष्ण प्राथमिक विद्यालयमा अध्ययनरत ७० जना बालबालिकालाई विभिन्न सामाग्री वितरण गरेको हो ।

संघका पोखरीया नगर कार्य समितिका अध्यक्ष सन्तोष महतोको अध्यक्षतामा भएको शैक्षिक सामाग्री वितरण कार्यक्रममा जम्मा १ सय ३५ जना बालबालिकालाई कपि, पेन्सिल, इरेजर, कटर, सर्जिकल मास्क, मिठाई लगायतका सामाग्री वितरण गरिएको विद्यार्थी नेता निरंजन क्षेत्रीले जानकारी दिनुभयो ।

शैक्षिक सामाग्री वितरण कार्यक्रममा स्थानीय राजु गिरी, मनोज गुप्ता, एकलख आलम, अब्दुल आजाद, नवल ठाकुर, जय प्रकाश ठाकुर लोहार, पोखरीया युवा समाजका अध्यक्ष नवसाद आलम लगायतको उपस्थिती रहेको क्षेत्रीले बताउनुभयो ।