वीरगंज। फेसबुकले विश्वभर छरिएर रहेका साथी तथा आफन्तसँग सहजै सम्पर्कमा रहन सकिने गरी तपाईं हामीलाई एक आपसमा जोडिदिएको छ । फेसबुकबाट नै हामीले आफ्नो साथी सर्कल र आफन्तमाझ के भइरहेको छ भन्ने कुराको जानकारी पाइरहेका हुन्छौं ।
तर इन्टरनेट दुनियामा कयौं यस्ता मानिसहरु पनि छन्, जसले यसलाई गलत रुपमा प्रयोग गरिरहेका हुन्छन् । यसको अर्थ तपाईं जो मानिससँग सम्पर्कमा रहन चाहनुहुन्छ उनीहरु पनि तपाईंको प्रोफाइल देख्न सक्छन् ।
यति मात्र होइन, तपाईंका पोस्टहरु हेर्न, पढ्न अनि त्यसलाई शेयर गर्न पनि सक्छन् । यस किसिमको समस्याबाट छुट्करा दिलाउन फेसबुकले हालै एक नयाँ फिचर सार्वजनिक गरेको छ ।
जसको नाम हो, प्रोफाइल लक फिचर । यो फिचर एक्टिभ गरेपछि तपाईंको प्रोफाइल तथा पोस्ट तपाईंको फ्रेण्ड लिस्टमा हुनेहरुले मात्रै देख्न पाउनेछन् । अर्थात यसबाट तपाईं आफ्नो प्रोफाइल र पोस्टलाई प्राइभेट बनाउन सक्नुहुन्छ ।
आज हामी तपाईंलाई फेसबुकको यो नयाँ फिचर कसरी प्रयोग गर्ने भन्ने बारेमा बताउँदै छौं ।प्रोफाइल लक गर्न सबैभन्दा अगाडि आफ्नो फेसबुक एपमा जानुहोस् । अब त्यसमा माथि दायाँ कुनामा रहेको तीन वटा धर्सा भएको बटनमा ट्याप गर्नुहोस् ।
अब त्यसमा अलिक तल रहेको सेटिङ एण्ड प्राइभेसीमा जानुहोस् । अब त्यहाँ भित्र प्रोफाइल लकिङको अप्सन देखिनेछ । जसमार्फत तपाईंको फेसबुक प्रोफाइल लक गर्न सक्नुहुन्छ ।
यद्यपी हाललाई फेसबुकले यो फिचर भारत र बंग्लादेशमा मात्रै सीमित गरेको छ । नेपाल सहित अन्य मुलुकमा यो फिचर विस्तार कहिले हुन्छ भन्ने कुनै खबर फेसबुकको तर्फबाट हालसम्म आएको छैन ।
तर निराश भने नहुनुहोस् । यो फिचर अनिश्चित भए पनि तपाईं फेसबुकमा आफ्नो गोपनीयतालाई प्रोफाइल लक गरेकै स्तरमा सुरक्षित रुपमा जोगाएर राख्न सक्नुहुनेछ ।
आफ्ना सबैजसो पोस्टहरु लक गर्न सबैभन्दा छिटो तरिका डिफल्ट शेयरिङ अप्सनलाई पब्लिकबाट फ्रेण्ड्समा परिवर्तन गर्नु हो । तपाईंले यस किसिमको परिवर्तन गर्दा तपाईंले भविष्यमा फेसबुकमा पोस्ट गर्ने चिजहरु तपाईंको लिस्टमा भएका साथीले मात्रै देख्नेछन् ।
यो फिचरबाट तपाईं यस अघिका पुराना सबै पोस्टहरुलाई एकसाथ व्यवस्थापन गर्न सक्नुहुन्छ ।
फेसबुकले बाइ डिफल्ट रुपमा तपाईंको फ्रेण्ड्स लिस्टलाई पब्लिक बनाइदिएको हुन्छ । यसको अर्थ तपाईंले सेटिङ मिलाउनु भएको छैन भने फेसबुकमा रहेका जो कसैले (तपाईंको साथीको लिस्टमा भएका वा नभएका सबैले) तपाईंको फेसबुकमा साथी भएकाहरुको सम्पूर्ण सूची देख्न सक्नेछन् । तपाईं आफ्नो प्राथमिकता अनुसार यसलाई जतिखेर पनि परिवर्तन गर्न सक्नुहुन्छ ।
फेसबुक प्रोफाइल बाई डिफल्ट रुपमा पब्लिक गरिएको हुन्छ । यसको अर्थ तपाईंको प्रोफाइल गुगल लगायतका अन्य सर्च इन्जिनमा समेत तपाईंको प्रोफाइल हेर्न मिल्छ । तपाईं आफ्नो प्रोफाइल सेटिङमा गएर आफ्नो त्यसलाई परिवर्तन गर्न सक्नुहुन्छ ।
तपाईंले गुगल लगायतका सर्च इन्जिनमा आफ्नो प्रोफाइल नदेखिने बनाउन सक्नुहुन्छ । त्य
तपाईंले कुनै पनि चिज फेसबुकमा पोस्ट वा शेयर गर्दा ककसले हेर्न मिल्ने भनेर रोज्न पाउने विकल्प दिने गरेको छ । जब तपाईं स्टाटस लेख्ने स्क्रिन अन गर्नुहुन्छ, त्यसमा तपाईं प्राइभेसी चयन गर्ने अप्सन देख्नुहुनेछ ।
सामान्यतया एउटै सेटिङमा राख्ने भन्दा पनि तपाईं पोस्ट अनुसार पब्लिक (जसले पनि हेर्न पाउने), अन्ली मी (आफूले मात्र हेर्न मिल्ने), फ्रेन्ड्स एक्सेप्ट (निश्चित साथी बाहेक अरुले हेर्न मिल्ने) वा स्पेसिफिक फ्रेण्ड्स (निश्चित साथीले मात्र हेर्न पाउने) विकल्पहरु रोज्न सक्नुहुन्छ ।
