भारतमा प्रत्येक वर्ष हजारौँ बलात्कारका घटनाहरु हुन्छन् अनि प्रहरीमा उजुरी पनि पर्छन् । तर, भारतका केही घटनाहरु यस्ता हुन्छन् जसले मुटु कपाउँछ ।

यस्तै एउटा घटना अहिले बाहिर आएको छ । भारतको राजधानी नयाँ दिल्लीमा ८६ वर्षकी एक महिलामाथि बलात्कार भएको छ । बलात्कार आरोपित व्यक्ति अहिले प्रहरी हिरासतमा छन् ।

दिल्ली महिला आयोगकी प्रमुख स्वाती मालिवालका अनुसार दूध पुर्याउन आएका व्यक्तिलाई कुरिरहँदा यी महिलामाथि बलात्कार भएको जानकारी भारतीय मिडियालाई दिएकी छिन् ।

ती व्यक्तिले महिलालाई त्यहाँ झुक्याएर अर्को ठाउँमा लगेर बलात्कार गरेको स्वातीले जानकारी दिएकी छिन् ।अब यी अभियुक्तलाई फाँसीको माग गरिएको छ ।