विरगंज । नेपाल कोरोना संक्रमणको हिसावले विश्वको ५६ औँ स्थानमा रहेको छ । हालसम्म नेपालमा कोरोनाको कारण ज्यान गुमाउनेको संख्या २ सय ८० पुगेको छ । हालसम्म नेपालमा ४५ हजार २ सय ७७ जनामा कोरोना संक्रमण पुष्टि देखिएको छ । हालसम्म कुल संक्रमितमध्ये ६० प्रतिशत अर्थात २७ हजार १ सय २७ जना कोरोना उपचारपछि निको भएर घर फर्किएका छन् ।
पछिल्लो २४ घण्टामा मात्र नेपालमा १ हजार ५ सय ६६ जना कोरोना उपचारपछि निको भएर घर फर्किएको स्वास्थ्य मन्त्रालयले जानकारी दिएको छ । नेपालमा हालसम्म ७ लाख ५७ हजार ९ सय ६३ जनाको पीसीआर परीक्षण गरिएको तथ्यांकले देखाएको छ । पछिल्लो समय नेपालमा कोरोना संक्रमणको जोखिम बढिरहेको छ । पछिल्लो २४ घण्टामा मात्र नेपालमा कोरोनाको कारण ९ जनाको मृत्यु भएको छ ।
विश्वव्यापी महामारीको रुपमा फैलिएको कोरोना भाइरस (कोभिड १९) को कारण यो समाचार तयार पार्दासम्म विश्वभर ज्यान गुमाउनेको संख्या ८ लाख ८१ हजार ३ सय १ पुगेको छ । हालसम्म विश्वभरका २ करोड ६९ लाख ४२ हजार ५ सय ४२ जनामा कोरोना संक्रमण फैलिएको छ । हालसम्म विश्वभरबाट १ करोड ९० लाख ३५ हजार ३ सय ९९ जना कोरोना उपचारपछि निको भएर घर फर्किएका छन् । भने संक्रमितमध्ये ६० हजार ९ सय १ जनाको अवस्था गम्भीर रहेको वल्डोमिटरको तथ्यांकले देखाएको छ ।
विश्वमा सबैभन्दा धेरै अमेरिकामा कोरोना संक्रमण देखिएको छ । यो समाचार तयार पार्दासम्म अमेरिकामा कोरोनाको कारण १ लाख ९२ हजार ३ सय ६४ जनाको ज्यान गएको र ६४ लाख ५ हजार ७५ जनामा संक्रमण देखिएको छ । त्यस्तै ब्राजिल, भारत, रसिया तथा पेरुमा क्रमशः संक्रमण धेरै देखिएको छ