वीरगंज | नेपालमा कोरोना संक्रमितको संख्या ४२ हजार ८ सय ७७ पुगेको छ। गत २४ घण्टामा मात्र १ हजार २ सय २८ जना संक्रमित भेटिएको स्वास्थ्य तथा जनसंख्या मन्त्रालयले जनाएको छ। 

३ सय ९४ महिला र ८ सय ३४ पुरुष गरी १ हजार २ सय २८ संक्रमित भेटिएका हुन्।प्रदेश २ को धनुषामा ६४, पर्सामा ६५, बारामा ७१, महोत्तरीमा २०, रौतहटमा २९, सप्तरीमा १ र सर्लाहीमा १ सय ९ जनामा कोरोना पाइएको छ। 

कुल संक्रमितमध्ये १८ हजार ४ सय १३ सक्रिय संक्रमित छन्। कोरोनाको आशंकामा गत २४ घण्टामा १३ हजार ४ सय १३ जनाको पिसिआर परीक्षण भएको छ। यो सँगै नेपालमा पिसिआर परीक्षण हुनेको संख्या ७ लाख ३१ हजार ७ सय ५२ पुगेको छ।

हाल ६ हजार ७ सय ४९ जना क्वारेन्टाइनमा रहेको मन्त्रालयले जनाएको छ।