महोत्तरी। धनुषामा आफनै घरको माथिल्लो तल्लामा शंकास्पद अवस्थामा झुन्डिरहेको शव फेला परेको छ ।धनुषाको हँसपुर नगरपालिका बघचौडाको धोवियाही पोखरी नजिक एक महिला आफनै घरमा शंकास्पद अवस्थामा भदौ १७ गते दिउँसो मृत अवस्थामा फेला परेकी छिन् ।

महोत्तरीको औरही नगरपालिका १ माइती भई भएकी महेश चौकरीकी छोरी कृष्णाकुमारी चौधरीको हंसपुर नगरपालिका बघचौडा बस्ने विनोद चौधरीका २५ वर्षीय छोरा सरोज चौधरीसंग ३ वर्ष पहिले सामाजिक परम्पराअनुसार विवाह भएको थियो । चौधरीको १ वर्षको एक छोरी समेत रहेको मृतकका भाइ चन्दन चौधरीले जानकारी दिनुभएको छ ।

घरमा सासु, ससुरा, पति, देवरलगायतका सवै जना रहेकै वेलामा कृष्णा कुमारी चौधरीको घरको माथिल्लो तल्लामा शंकास्पद अवस्थामा झुन्डिरहेको शव फेला परेको घटनास्थल पुगेका मृतकका काका नवल चौधरीले जानकारी दिनुभएको छ ।

घटनास्थलमा पुग्दा घरको ढोकाको चुकुल खुलि रहेको भएपनि झयालको चुकल खुलेको अवस्थामा रहेको र घटनास्थलमा आफुहरुलाई मृतक भतिजीको फोटो समेत प्रहरीले खिच्न नदिएको मृतकका काका नवल चौधरीले गुनासो गर्नुभएको छ ।

दाजु चन्दन चौधरीका अनुसार बहिनीलाई पटक पटक शारिरीक र मानसिक रुपमा यातना दिदै आएको थियो, बहिनीले आफुलाई माइती पठाई दिन आग्रह गर्दा समेत नपठाएको र फोनमा हिजो मंगलवार काकीसंग कुरा गर्दा आफुलाई निकै कुटपिट गरि रहेको बताएकी थिइन् ।

शवलाई प्रादेशिक अस्पताल जनकपुरमा पोस्टमार्टमको लागि ल्याएको छ । घटनाबारे अनुसन्धान भई रहेको जिल्ला प्रहरी कार्यालय धनुषाले जनाएको छ ।