भारत। भारतमा पछिल्लो २४ घण्टामा ७६ हजार ४७२ कोरोना संक्रमित थपिएका छन् । अघिल्लो २४ घण्टामा ७७ हजार २६६ कोरोना संक्रमित थपिएका थिए ।

विश्व स्वास्थ्य संगठनका अनुसार भारतमा कोरोनाका कारण ज्यान गुमाउनेको संख्या ६२ हजार ५५० पुगेको छ ।

भारतमा पछिल्लो २४ घण्टामा १ हजार २१ कोरोना संक्रमितको मृत्यु भएको विश्व स्वास्थ्य संगठनको तथ्यांकमा उल्लेख छ ।

तीव्र गतिमा कोरोना संक्रमण फैलिरहेको भारतमा हालसम्म संक्रमितको संख्या ३४ लाख ६३ हजार ९७२ पुगेको छ । भारत विश्वमा धेरै कोरोना संक्रमित हुने देशको सूचिमा अमेरिका र ब्राजिलपछि तेस्रो स्थानमा छ ।