काठमाडौं । पछिल्लो २४ घण्टामा देशभर ९२७ कोरोना संक्रमित थपिएका छन् । शुक्रबार स्वास्थ्य तथा जनसंख्या मन्त्रालयको कोरोना ब्रिफिङमा प्रवक्ता डा. जागेश्वर गौतमले ९२७ संक्रमित थपिएको जानकारी दिए । योसँगै कुल संक्रमितको संख्या ३६ हजार ४५६ पुगेको छ ।
यसैगरी पछिल्लो २४ घण्टामा १६९ जना डिस्चार्ज भएका छन् । हालसम्म २० हजार २४२ जना डिस्चार्ज भएका छन् । आजसम्म देशभर सक्रिय संक्रमितको संख्या १६ हजार १९ रहेको छ ।पछिल्लो २४ घण्टामा देशभरका ३९ प्रयोगशालाबाट १० हजार २२९ जनाको पीसीआर परीक्षण गरिएको छ । हालसम्म जम्मा ६ लाख ५८ हजार ११० जनाको पीसीआर परीक्षण गरिएको छ ।
देशभरका संस्थागत आइसोलेसन ९ हजार ५७३ जना र होम आइसोलेसनमा ६ हजार ४४६ रहेका छन् । आजसम्म देशभर ८ हजार ९३९ जना क्वारेन्टिनमा रहेका छन् ।
बागमती प्रदेशमा १५ जना र प्रदेश १ मा दुईजना भेन्टिलेटरमा रहेका छन् ।
