विराटनगर-उच्च अदालत विराटनगरका एक जना न्यायाधीशलाई कोरोना संक्रमण पुष्टि भएको छ ।

न्यायाधिशलाई मंगलबार साँझ संक्रमण पुष्टि भएको उच्च अदालत विराटनगरका रजिष्ट्रार जितेन्द्रबावु थपलियाले जानकारी दिए ।

न्यायाधीशका सवारी चालकलाई केही दिनअगाडि संक्रमण पुष्टि भएको थियो । चालकलाई संक्रमण देखिएपछि न्यायाधीशले परीक्षणको लागि कोशी अस्पतालमा स्वाब दिएका थिए ।

यसअघि जिल्ला अदालत मोरङका एक जना न्यायाधीशलाई पनि कोरोनाबाट संक्रमित भएका थिए ।