वीरगंज | नेपालमा कोरोना संक्रमितको संख्या ३० हजार नाघेको छ। गत २४ घण्टामा ८ सय ३८ जना भेटिएसँगै संक्रमितको संख्या ३० हजार ४ सय ८३ पुगेको हो।

५० जिल्लाका २ सय ९२ महिला र ५ सय ४६ पुरुष गरी ८ सय ३८ जनामा कोरोना भेटिएको स्वास्थ्य तथा जनसंख्या मन्त्रालयले जनाएको छ।

प्रदेश २ को ७ जिल्लाका १ सय ७९ जनामा कोरोना भेटिएको छ। कोरोना भेटिनेमा धनुषाका ३, पर्साका ८०, बाराका ४०, रौतहटका ११, सप्तरीका ५, सर्लाहीका २४ र सिराहाका १६ जना छन्।

कुल संक्रमितमध्ये हाल १२ हजार १ सय ३२ जना सक्रिय संक्रमित छन्। क्वारेन्टाइनमा रहने व्यक्तिको संख्या १२ हजार २ सय ३४ पुगेको छ।

कोरोनाको आशंकामा गत २४ घण्टामा १३ हजार ५ सय ७९ जनाको पिसिआर परीक्षण भएको छ। यो सँगै नेपालमा पिसिआर गर्नेको संख्या ५ लाख ७९ हजार ८ सय ९९ पुगेको मन्त्रालयले जनाएको छ।