बीरगन्ज। पर्सामा कोरोना संक्रमितहरुको संख्या १६ सय नाघेको छ । बुधबार सम्म पर्सामा १ हजार २ सय ६० पुरुष र ३ सय ४६ महिला गरि संक्रमितहरुको संख्या १ हजार ६ सय ६ पुगेको छ ।

पछिल्लो २४ घण्टामा पर्सामा ९७ जना पुरुष र ३५ जना महिला गरि १३२ जनामा कोरोना संक्रमण भएको हो ।यस्तै बुधबार विभिन्न उमेर समुहका गरि उपचार पछि १५ जना घर फर्केका छन् ।

उपचार पछि निको भई घर फर्किनेहरुको संख्या पर्सामा ३ सय ३८ पुगेको छ ।त्यसै आईसोलसनमा १०५ पुरुष र २३ महिला गरि १२८ जना, होम आईसोलसनमा ४०१ पुरुष र १७५ महिला गरि ५७६ जना संक्रमितहरुको उपचार भईरहेको जिल्ला प्रशासन कार्यालय पर्साले जनाएको छ ।

त्यस्तै कोरोना शंकास्पद भएका १०६ जना पुरुष र ३२ जना महिला गरि १ सय ३८ जनालाई क्वारेनईनमा राखिएको छ ।काेराेनाबाट मृत्यु हुनेहरूकाे संख्या भने पर्सामा २४ पुगेकाे छ ।