वीरगन्ज । पर्साकाे पाेखरियामा मेयर, डाक्टर र पत्रकारसहित ३३ जना काेराेना संक्रमण पुष्टि भएकाे छ ।साउन २६ गते मेयर राैनियारसहित ३४ जनाकाे स्वाब संकलन गरि पिसिआर परिक्षणकाे लागि पठाउदा आइतबार सांझ ३३ जनाकाे रिपाेर्ट काेराेना पाेजिटिभ आएकाे उनले जानकारी गराइन ।
काेराेना संक्रमीत हुनेमा मेयर राैनियार, वडा नं. ४ का वडाध्यक्ष लक्ष्मण साह कानु, पाेखरिया अस्पतालका मेडिकल सुपरिटेन्डेन्ट अनिल यादव, अस्पतालका अन्य २ डाक्टर, २ नर्ससहित ४ जना स्वास्थ्यकर्मी रहेका छन् ।
भने एक जना पत्रकार पनि काेराेना संक्रमित भएका छन् ।यस्तै मेयर राैनियारका परिवारका सबै सदस्यसहित स्वकिय सचिव राजु राैनियार र गाडीका चालक पनि काेराेना संक्रमित भएका छन् । मेयर राैनियारलाई ज्वाराे र खाेकी लागेपछि उनी आफुसहित आफ्नाे परिवारकाे सबै जनाकाे काेराेना परिक्षणकाे लागि स्वाब संकलन गराएका थिए ।
७ दिनपछि प्राप्त रिपाेर्ट सबै जनाकाे काेराेना पाेजिटिभ आएपनि मेयर राैनियारकाे ज्वाराे र खाेकी निकाे भइसकेकाे छ । स्वाब दिएकाे दिनदेखी उनी आफ्नाे सम्पूर्ण परिवारसहित हाेम आइसाेलेसनमा बस्दै आएका थिए । काेराेना रिपाेर्ट पाेजिटिभ आएपनि आफ्नाे स्वास्थ्य अवस्था ठिक रहेकाे मेयर राैनियारले कालिका टाईम्ससंग कुरा गर्दै वताए ।
यस्तै मेयरसंगै काेराेना परिक्षणका लागि पाेखरिया अस्पतालका मेडिकल सुपरिटेन्डेन्ट यादव पनि स्वाब दिएका थिए । जुन बेला उनलाई पनि ज्वराे र खाेकी जस्ताे समस्या थियाे । तर अहिले ज्वराे र खाेकी निकाे भइसकेकाे मेसु यादवले वताए ।
पाेखरिया अस्पतालका ४ डाक्टर, ३ नर्ससहित १० जना स्वास्थ्यकर्मी काेराेना संक्रमित भएपछि पाेखरिया अस्पतालकाे सेवा प्रभावित हुने देखिएकाे छ । अस्पतालका ७ डाक्टर मध्ये मेसुसहित ४ डाक्टर र ४ नर्स मध्ये ३ नर्स संक्रमित भएपछि पाेखरिया अस्पतालका आकास्मिक वाहेकका प्रसुती लगायतका सम्पूर्ण सेवा बन्द हुने सम्भावना बढेकाे छ ।यसअघि नै पाेखरिया नगरपालिका ४ वडाध्यक्ष, एक डाक्टर, एक नर्स र अन्य ३ स्वास्थ्यकर्मी काेराेना संक्रमित भइ आइसाेलेसनमा छन् ।
