वीरगञ्ज। वीरगञ्जको समुदायस्तरमा फैलिएको कोरोना सङ्क्रमणबाट पर्सा जिल्लाको ग्रामिण क्षेत्रमापनि फैलीसकेको छ । वीरगञ्जमा भयावह अवस्था सृजना गरेको कोरोनाभाइरस सङ्क्रमण अब पर्साको ग्रामिण भेजमा समेत सरेको तथ्यांकले देखाएको छ ।शनिबार फेरी पर्सा र बारामा थप ४७ जनामा कोरोना सङ्क्रमण पुष्टि भएको छ ।

नारायणी अस्पतालले शनिबार राती ११ बजे सार्वजनिक गरेको विवरण अनुसार पर्सामा ४५ र बारामा २ जनागरी थप ४७ व्यक्तिमा कोरोना सङ्क्रमण देखिएको हो । सङ्क्रमितहरु कन्ट्याक्ट ट्रेसिङमा परेका र स्वेच्छाले आफ्नो परिक्षण गराएकामध्ये रहेका छन् ।थपिएका सङ्क्रमित मध्ये अधिकांस पर्साका ग्रामिण भेगका रहेका छन् । पर्साको ग्रामिण क्षेत्रको प्रवेशद्वारा मानिएको पोखरिया नगरपालिकामा १२ जनामा कोरोना सङ्क्रमण पुष्टि भएको छ ।

त्यस्तै पर्सागढी नगरपालिकामा २ जना, बहुदरमाई नगरपालिकामा एक जना र बिन्दबासिनी गाउँपालिकामा एक जनामासमेत सङ्क्रमण देखिएको छ । वीरगञ्ज महानगरपालिकामा पर्ने ग्रामिण भागहरु परवानीपूर, पनटोखा, सोलाखपूर र इनर्वा जस्ता क्षेत्रमा पनि सङ्क्रमण देखिएको छ ।नारायणी अस्पताल, नारायणी वयोधा अस्पताल र प्राइम फार्मासुटिकल कम्पनिका कर्मचारीमासमेत सङ्क्रमण देखिएको छ ।नारायणी अस्पतालको स्त्री तथा प्रस्तु रोग वार्डका २ महिला कर्मचारी, सामाजिक सुरक्षा शाखा १ पुरुष र एक महिलागरी २ जना कर्मचारी, एक जना सुरक्षा गार्ड, पेडीयाट्रिक विभागकी एक जना महिला कर्मचारी, ओपीडीका काउन्टर स्टाफ एक जनागरी ७ जनामा सङ्क्रमण पुष्टि भएको अस्पतालले जनाएको छ ।

यस्तै नारायणी वयोधा अस्पतालका एक जना हाउस कपीङ स्टाफ, एक जना प्रशासन शाखाका र एक जना स्टोरकागरी ३ जना कर्मचारीमा सङ्क्रमण देखिएको छ ।वीरगञ्जस्थित प्राइम फार्मासुटिकल कम्पनिका पाँच जना कर्मचारीपनि सङ्क्रमित भएका छन् । पाँचै जनामा कोरोनाको लक्षण समेत देखिएको अस्पतालका चिकित्सकले जानाकरी दिएका छन् ।नारायणी अस्पतालमै डायलिसिस गराई रहेका ४२ वर्षीय पुरुषमा पनि कोरोना सङ्क्रमण पुष्टि भएको छ । त्यसैगरी अस्पतालकै आइसियुमा भर्ना एक जना २२ वर्षीय युवकमा पनि सङ्क्रमण पुष्टि भएको हो । उनलाई श्वासप्रश्वासमा समस्या आइरहेको चिकित्सकले बताए ।

यसैगरी भवानी अस्पतालमा भर्ना भएका एक जना ५२ वर्षीय पुरुषपनि सङ्क्रमित भएका छन् ।पर्साको पोखरिया नगरपालिकामा एक जना चिक्तिसकको कन्ट्याक्ट ट्रेसिङ गर्दा १२ जनामा सङ्क्रमण भेटेको छ । पोखरिया अस्पतालमा कार्यरत एक जना चिकित्सकको कन्ट्याक्ट ट्रेसिङ गर्दा १२ जनामा सङ्क्रमण देखिएको हो ।सङ्क्रमितहरु पोखरिया नगरपालिकाको वडा नं. १ का ४६ र ४८ वर्षीय दुई जना पुरुष, वडा नं. ४ की एक जना ३० वर्षीय महिला, ८ वर्षीय बालक, २७, २८ र ५५ वर्षका तिन जना पुरुषगरी ६ जना, वडा नं. ७ की एक जना २८ वर्षीय महिला र एक जना ३७ वर्षीय पुरुषगरी २ जना र वडा नं. ९ का १८ र ४० वर्षका २ जना पुरुषगरी जम्मा १२ जना रहेका छन् ।

पर्सा जिल्लाको सदरमुकाम वीरगञ्ज महानगरपालिकामा फेरी २७ जनामा सङ्क्रमण देखिएको छ ।  वडा नं. २ छापकियाँका एक जना ४० वर्षीय पुरुष, वडा नं. ४ विर्ताका एक जना २४ वर्षीय युवक, वडा नं. ५ लाठगल्लिका एक जना ४८ वर्षीय पुरुष, वडा न. ८ पानीटंकीका ३२ वर्षीय पुरुष, वडा नं. १० घडिअर्वाका एक जना ४२ वर्षीय पुरुषमा सङ्क्रमण पुष्टि भएको छ । यस्तै महानगरको वडा नं. ११ को श्रीपुर र रानीघाटमा दुई जना २५ र ७० वर्षीय महिला, एक जना १२ वर्षीय बालक र दुई जना ३२ र ५१ वर्षीय पुरुषगरी ५ जनामा सङ्क्रमण देखिएको छ ।त्यसैगरी वीरगञ्जको वडा न. १२ मुर्लीका एक जना ५२ वर्षीय पुरुष र पानीटंकीका एक जना ११ वर्षीय बालक र २० वर्षीय युवतीगरी ३ जना, वडा नं. १६ इनर्वाका २५ वर्षीय पुरुष र वडा नं. ३२ सोलखपूरका एक जना १९ वर्षीय युवकमा समेत कोरोना पुष्टि भएको अस्पतालले जनाएको छ ।

परवानीपुरका एक जना २० वर्षीय पुरुष, पनटोखाका एक जना २६ वर्षीय पुरुष र वडा नखुलेका २ जना २२ र ३२ वर्षीय पुरुषमापनि सङ्क्रमण पुष्टि भएको छ ।यस्तै पर्सागढी नगरपालिका वडा नं. २ बगबनाका एक जना २५ वर्षीय पुरुष र वडा नं. ५ पञ्चरुखीका एक जना ३१ वर्षीय पुरुषगरी २ जनामा पनि सङ्क्रमण पुष्टि भएको छ ।त्यसैगरी बहुदरमाई नगरपालिका वडा नं. ९ भौराटारका एक जना २३ वर्षीय पुरुष र बिन्दबासिनी गाउँपालिका वडा नं १ का एक जना २९ वर्षीय पुरुषमा पनि सङ्क्रमण पुष्टि भएको छ ।

पर्साकै देवरवाना ३ का एक जना २९ वर्षीय पुरुष, बिरुवागुठिका एक जना ३५ वर्षीय पुरुषपनि सङ्क्रमित भएका छन् ।त्यस्तै बाराको कलैया उपमहानगरपालिका वडा नं. १ का एक जना ६० वर्षीय पुरुष र महागढीमाई नगरपालिका वडा न. ५ कवहीका एक जना ४० वर्षीय पुरुषगरी २ जना सङ्क्रमित भएको जिल्ला स्वास्थ्य कार्यालय पर्साका हेल्थ इन्चार्ज जयमोद ठाकुरले जानकारी दिए । १० महिला रहेका सङ्क्रमितहरुको उमेर समुह ८ वर्षदेखि ७० वर्षसम्म रहेको छ ।