वीरगंज | नेपालमा कोरोना संक्रमणबाट मृत्यु हुनेको संख्या १०१ पुगेसँगै महामारीको जोखिम थप गम्भीर बेनेको छ।शुक्रवार अपरान्ह पछि धनुषामा थप १ वीरगञ्जमा थप १ जना कोरोना संक्रमितको  मृत्यु भएसँगै मुलुकमा कोरोना संक्रमणका कारण मृत्यु हुनेको संख्या १०१ पुगेको छ। धनुषामा भएको उक्त मृत्यु स्वास्थ्य तथा जनसंख्या मन्त्रालयको नियमित प्रेस ब्रिफिङमा सार्वजनिक गरिने दिउँसो २ बजेको तथ्यांकमा अद्यावधिक गरिएको छैन।

वीरगञ्जमा थप १ जना कोरोना संक्रमितको मृत्यु भएको छ । नारायणी अस्पताल अस्थायी विषेश कोरोना अस्पताल गण्डकमा थप १ जना कोरोना संक्रमितको मृत्युु भएको हो । वीरगन्ज महानगरपालिका वडा नम्बर १२ मुर्ली घर भएका ६० बर्षीय वृद्धको नारायणी अस्पताल अस्थायी विषेश कोरोना अस्पताल गण्डकमा उपचारका क्रममा शुक्रबार बेलुका मृत्यु भएको नारायणी अस्पतालका चिकित्सक उदय नारायण सिंहले बताए ।

मृतक वृद्धको पिसिआर रिपोर्टमा साउन २१ गते  कोरोना संक्रमण पुष्टि भएको थियो । त्यसलगत्तै ज्वरो आएएपछि उनी नारायणी अस्पताल अस्थायी विषेश कोरोना अस्पताल गण्डकमा साउन २४ गते साँझ भर्ना भएका थिए । विगत ६ दिनदेखि  उपचाररत उनको शुक्रबार बेलुकी मृत्यु भएको  नारायणी अस्पतालका चिकित्सक सिंहले बताए । योसँगै वीरगन्जमा कोरोनाका कारण मृत्यु हुनेको संख्या २६ पुगेको छ । साउनमा मात्रै २२ जनाको मृत्यु भएको हो  ।

वीरगन्जमा अहिलेसम्म कोरोनाका कारण मृत्यु भएका २६ मध्ये पर्साका १९, बाराका ५, रौतहटका १ जना रहेका छन् । जेठ ३१ गते वीरगन्जको घण्टाघरमा वेवारिसे मृत भेटिएका एक संक्रमित युवकको भने हालसम्म पहिचान खुल्न सकेको छैन ।

विज्ञहरूले महामारी नियन्त्रणको लागि सरकारले पूर्वाधार र जनशक्तिको व्यवस्थापन गर्नुपर्ने र नागरिकले आफ्नो दैनिक व्यवहारमा गम्भीर भएर परिवर्तन ल्याउनुपर्ने आवश्यकता औंल्याएका छन्।

मन्त्रालयले शुक्रबार नियमित प्रेस ब्रिफिङमामार्फत आज ४ जनाको मृत्यु भएको भने पनि उक्त तथ्यांक दिउँसो २ बजेसम्मको मात्रै हो। मन्त्रालयको अद्यावधिक तथ्यांकमा शुक्रबारसम्म कोरोना संक्रमणबाट ९९ जनाको मृत्यु भएको उल्लेख छ।

शुक्रबारसम्म मुलुकभर कोरोना संक्रमित हुनेको संख्या २५ हजार ५५१ छ भने यीमध्ये ७ हजार ३७५ जना सक्रिय संक्रमित छन्।

मुलुकमा कोरोना संक्रमित र मृतकको संख्या बढ्न थालेपछि स्वास्थ्य मन्त्रालयले ३० साउनमा निजी अस्पतालहरूलाई कोरोना संक्रमितको उपचारका लागि २० प्रतिशत बेड छुट्याउन आग्रह गरेको छ। मन्त्रालयले कोरोना विशेष अस्पताल भरिएको भन्दै निजी अस्पताललाई संक्रमितको उपचार गर्न वेड छुट्याउन आग्रह गरेको हो। कोरोना विशेष अस्पताल संक्रमितले भरिए, सरकारले गुहार्‍याे निजी अस्पताल |