वीरगंज | काठमाडौं उपत्यकामा कोरोना भाइरस संक्रमण बढ्दा समेत सरकारले परिक्षणको दायरा बढाउन सकेको छैन् । संक्रमितहरुको कन्टयाक ट्रेसिङ गरी परिक्षणको दायरा बढाउनुपर्नेमा सरकार परिक्षणमा कमजोर देखिएको छ । बारम्बार पिसिआर परिक्षणको दायरा बढाउने दाबी गरे पनि कार्यान्वयन फितलो देखिएको हो ।सरकारको दावीअनुसार काम हुन्थ्यो भने यतिबेला देशभरका ३२ वटा प्रयोगशालाबाट दैनिक २२ हजार वटा कोरोना भाइरसको पिसिआर परिक्षण हुनुपर्ने हो । स्वास्थ्य तथा जनसंख्या मन्त्री भानुभक्त ढकालले नै दैनिक २२ हजार पिसिआर परिक्षणको क्षमता भएको दावी गरेका हुन् ।
मंगलबार एक सार्वजनिक कार्यक्रममा मन्त्री ढकालले भाषणका क्रममा दैनिक २२ हजार पिसिआर परिक्षणको क्षमता भएको बताए पनि उनले भाषण गरेकै दिन १० हजार ४ सय ८१ पिसिआर परिक्षण भएको छ । बुधबार स्वास्थ्य मन्त्रालयले दिएको जानकारी अनुसार पछिल्लो २४ घण्टामा उक्त संख्यामा परिक्षण भएको हो । अहिलेसम्म पिसिआर विधिबाट ४ लाख ७३ हजार १ सय ७९ परिक्षण सम्पन्न भएको छ ।
मन्त्री ढकालले भने जस्तो क्षमता यदी छ भने दैनिक किन पिसिआर परिक्षण १० हजारभन्दा मात्रै गरिएको छ ? जबकी पछिल्ला दिनमा संक्रमण फैलिदै गएको छ र संक्रमितको कन्ट्याक टे«ेसिङ गर्ने हो भने दैनिक ५० सौँ हजारको परिक्षण गर्नुपर्ने अवस्था छ । तर सिमित स्रोत साधन र जनशक्तिको अभावका कारण संक्रमितको ट्रेसिङ अर्थात संक्रमितसँग भेट भएका व्यक्तिहरुको खोजी कार्य प्रभावकारी बन्न नसकेको रोग निगरानी तथा अनुसन्धान शाखाका प्रमुख महेन्द्रध्वज अधिकारी बताउँछन् ।
३२ वटा सरकारी प्रयोगशालाबाट दैनिक १८ हजार ५ र ए लेभलका ८ वटा निजी प्रयोगशालाबाट ३ हजार ५ सय परीक्षण गर्न सकिने भन्दै आवश्यक परेको खण्डमा परीक्षणका लागि स्रोत र साधन तयारी अवस्थामा रहेको मन्त्री ढकालले दाबी गरेका छन् ।यस अघि मन्त्री ढकालले १० देखि १५ हजार पसिआर परिक्षण गर्ने प्रतिवदता व्यक्त गरेका थिए । अहिलेसम्म सबैभन्दा धेरै परिक्षण एक दिनमा ११ हजारको हाराहारीमा पिसिआर परिक्षण भएको छ । एकातिर कन्टयाक ट्रेसिङमा समस्या त अर्काेतिर परिक्षणको दायरा आबश्यकता अनुसार हुन नसक्नु । अनि मन्त्रीहरु चाँही ठूला भाषण गर्दै हिँढिडरहने । यस्तो प्रवृत्तिले कोरोना भाइरस नियन्त्रण तथा रोकथाम सफल हुन सक्छ त ?
