बारा | बारा जिल्लाको लङ्गडा चोकमा भएको मोटरसाइकल दुर्घटनामा एक जनाको ज्यान गएको छ ।मृतकको सनाखत हुन बाँकी रहेको जिल्ला प्रहरी कार्यालय बाराका प्रहरी प्रवक्ता प्रहरी नायव उपरीक्षक गौतम मिश्राले बताए । आज बिहान सवा ६ बजे तिर सो दुर्घटना भएको उनले जानकारी दिए ।दुर्घटनामा मृत भएक व्यक्तिको शव र मोटरसाइकल खेतमा देखेर स्थानीयले खबर गरेपछि प्रहरी घटनास्थलमा पुगेको उनले बताए ।

दुर्घटनास्थलमा पुगेर प्रहरीले गरेको प्रारम्भिक अनुसन्धानबाट तिव्र गतिका कारण दुर्घटना भएको हुनसक्ने प्रहरीको अनुमान छ । तिव्र गतिको मोटरसाइकल कल्भर्टमा ठोक्किएर उछिट्टिएर मान्छे र मोटरसाइकल दुवै खेतमा पुगेको हुन सक्ने प्रवक्ता मिश्राले बताए ।मृतकको मोबाइल पनि पानीले भिजेर बिग्रिएकाले परिचय खुल्न नसकेको उनले जानकारी दिए । मृतक शव पोष्टमार्टमको लागि बीरगन्जस्थित नारायणी अस्पताल लैजाने तयारी भइरहेको उनले बताए ।