बीरगन्ज । उपचार अभावमा अकालमै ज्यान गुमाएकी २० वर्षिय युवतीका परिवारजनले बीरगन्जस्थित नारायणी अस्पतालमा ढुंगामुढा सहित प्रदर्शन गरेका छन् ।स्वासप्रश्वासमा समस्या आएपछि उपचारका लागि शुक्रबार राति अस्पताल चहार्दा चहार्दै उनको मृत्यु भएको थियो ।
उपचार नपाएर निधन भएकी युवतीका परिवारजनले यहाँका अस्पतालले बिरामीको हत्या गरेको आरोप लगाएका छन् ।करिब २०(२५ जनाको हुलमा आएका बिरामीका आफन्तजनले नारायणी अस्पतालमा ढुंगामुढा गर्दै प्रदर्शन गरेका हुन् ।ढुंगामुढाका कारण नारायणी अस्पतालको प्रसुती गृहमा पार्किंग गरि राखिएको गाडिमा क्षती पुगेको बुझिएको छ ।
मिडियामा अस्पतालमा भर्ना लिईरहेको भनेर प्रचार गर्ने र वास्तविक्तामा सिकिस्त बिरामीलाई फर्काउने अवस्थालाई तुरुन्त सुधार गर्नुपर्ने माग राख्दै प्रर्दशन गरिएको हो ।हाल प्रर्दशनकारीहरुलाई प्रहरीेले घटनास्थलबाट लखेटेको जनाइएको छ।पछिल्लो समय निजी तथा सामुदायिक अस्पतालले उपचार गर्न नमान्दा एक सातामा बीरगन्जमा ५ जनाको ज्यान गएको छ।