वीरगञ्ज । हिजो दिनभर सामान्य रहेको वर्षा गएरातीदेखि पुन: सुरु भएको छ । वर्षा सुरुभएसँगै बारा, पर्सा, रौतहटलगायत प्रदेश नं. २ का अन्य जिल्लामा रहेका साना तथा ठुला नदीमा बाढी आउँने सम्भावना बढेको छ ।बाढी पूर्वानुमान प्रभाग जलविज्ञान र मौसम विभागले प्रदेश नं. २ को पर्सा, बारा, रौतहट, सर्लाही र प्रदेश नं. ३ को मकवानपुर, चितवन र अन्य प्रदेशहरुको तनहूँ, लमजुङ, स्याङजा, पाल्पा, गुल्मी, अर्घाखाँची, नवलपरासी, रूपन्देही, कपिलबस्तु र आसपास मध्ययम बर्षा भईरहेको उक्त स्थानका साना नदीमा आकस्मिक बाढी आउन सक्ने बताएको छ ।

पछिल्लो ३ घण्टामा भएको मध्यम वर्षाले साना नदीमा खतरा निम्त्याउँन सक्ने बताउँदै विभागले सबैलाई सतर्क रहन समेत आग्रह गरेको छ । सर्लाही, रौतहट, बारा, रूपन्देही भइ बहने साना नदीमा आकस्मिक बाढीको जोखिम बढी रहेको भन्दै यस क्षेत्रका मानिसलाई थप सतर्कता अपनाउँन विभागद्वारा अनुरोध गरिएको छ।