वीरगन्ज। गत शनिबार वीरगन्जमा कोरोना संक्रमण पुष्टि भएका एक युवक फरार भएका छन् । नेशनल मेडिकल कलेजको एमबिबिएस पाँचौ वर्षमा अध्ययनरत एक २६ वर्षिय युवकमा कोरोना पुष्टि भएपछि आईसोलेशनमा बस्ने डरले उनी भारतको कोलकाता भागेको खबर छ । उनी भारतीय नागरिक हुन् ।
नारायणी अस्पतालमा परिक्षण पछि आएको रिर्पोटमा कोरोना पोजिटिभ देखिएपछि उनी सहित उनका ६ जना साथी फरार भएको कलेजका प्रबन्ध निर्देशक बसरूद्दीन अन्सारीले पुष्टि गरेका छन् ।
उनको रिपोर्ट पोजेटिभ आएसँगै उनलाई सम्पर्क गर्ने प्रयास सुरु भयो । तर, रिर्पोट आएको ३६ घण्टापछि उनी घर पुगेको पारिवारिक स्रोतले बताएको जनाइएको छ ।
लकडाउन खुकुलो भएसँगै भारतको कोलकाता निवासी उनी अध्ययनका लागि वीरगन्ज फिर्ता आएको थिए । तर, कलेजमा प्रवेश गर्नका लागि चाहिने पिसिआर परिक्षणको रिपोर्ट मा उनी संक्रमित रहेको पुष्टि गर्यो ।
सरकारले आह्वान गरेको लकडाउन कारण नेपाल भारत सिमा अझै बन्द छ । नाका बन्द हुँदा संक्रमित सहित उनका ६ साथी भारतको कोलकाता सम्म कसरी पुगे भन्ने प्रश्न चिह्न खडा भएको छ ।
सिमा नाका बन्द भएको अवस्थामा भनि सर्वसाधारण सिमा वारपार गरिरहँदा स्थानिय प्रशासनको चरम लापरवाही पुष्टि हुन्छ ।
