भारत | भारतमा कोरोना भाइरस (कोभिड-१९) संक्रमितको संख्या १० लाख नाघेको छ।वल्र्डोमिटर्सको तथ्यांकअनुसार आज बिहानसम्म भारतमा १० लाख पाँच हजार ६३७ जनामा कोरोना संक्रमण पुष्टि भएको छ। कोरोना संक्रमणबाट मृत्यु हुनेको संख्या भारतमा २५ हजार ६०९ पुगेको छ।

भारतमा पछिल्लो २४ घण्टाको अवधिमा ३५ हजार ४६८ जना नयाँ संक्रमित थपिएका थिए। सोही अवधिमा थप ६८० जनाले कोरोना संक्रमणका कारण ज्यान गुमाएका छन्।

भारतमा हालसम्म ६ लाख ३६ हजार ६०२ जना उपचारपछि निको भई घर फर्किसकेका छन्।अहिले तीन लाख ४३ हजार ४२६ जना संक्रमितको अस्पतालमा उपचार भइरहेको छ। जसमध्ये आठ हजार ९४४ जनाको अवस्था गम्भीर रहेको जनाइएको छ।विश्वमा धेरै कोरोना संक्रमित हुने मुलुकको सूचीमा भारत तेस्रो स्थानमा छ। भारतभन्दा अगाडि अमेरिका पहिलो र ब्राजिल दोस्रो स्थानमा छन्।