वीरगंज | गत आर्थिक वर्षमा गृहमन्त्रीभन्दा गृहसचिवले धेरै सुराकीका नाममा खर्च गरेका छन् । गृहमन्त्री रामबहादुर थापा ‘बादल’ले ७२ लाख तथा तत्कालीन गृहसचिव प्रेमकुमार राईले एक वर्षमा ७३ लाख नाै हजार रुपैयाँ सुराकीका नाममा खर्च गरेको महालेखापरीक्षकको कार्यालयले जनाएको छ ।

यसरी गृहमन्त्री र गृहसचिवले सुराकीका नाममा खर्च गर्न पाउने कानुनी व्यवस्था छैन । १३ जेठ ०५० मा भएको मन्त्रिपरिषद्को निर्णयका आधारमा सुराकीका नाममा यसरी खर्च हुने गरेको छैन । तर, यस्तो रकम दुरुपयोग हुने गरेको स्रोत बताउँछ  । खर्चको प्रमाण देखाउनु नपर्ने भएकाले धेरै आफूनिकटलाई वितरण गर्दछन् ।

गृहमन्त्रीले एकपटकमा ५० हजार तथा गृहसचिवले २० हजार रुपैयाँ खर्च गर्न पाउने प्रावधान छ । यस्तो तजबिजी खर्च नियन्त्रणका लागि महालेखाले हरेक वर्ष सुझाब दिँदै आए पनि सुधार हुन सकेको छैन ।