वीरगञ्ज । ट्राफिक व्यवस्थापनमा सहजता तथा वीरगञ्जलाइ व्यवस्थित बनाउनका लागि यहाँका मुख्य सडकमा बुधबार सडक डिभाइडर राखिएको छ ।वीरगञ्ज महानगरपालिका, जिल्ला प्रहरी कार्यालय पर्सा तथा ट्राफिक प्रहरीको समन्वयमा डिभाईडर राखिएको हो ।
एक कार्यक्रमका बिच नगर प्रमुख विजय कुमार सरावगीले यस अभियानको शुभारम्भ गरेका छन् । अभियानको शुभारम्भ गर्दै नगर प्रमुख सरावगीले सहरलाई ब्यबस्थित बनाउनका लागि जिल्ला प्रहरी कार्यालय र ट्राफिक प्रहरीले चालेको कदमलाई सबैले सहयोग गर्नपर्ने धारणा व्यक्त गरेका थिए ।
कार्यक्रममा पर्साकी प्रहरी प्रमुख गंगा पन्तले सबैले आआफ्नो जिम्मेवारी बोध गर्ने हो भने वीरगञ्जलाइ व्यवस्थित बनाउन धेरै समय नलाग्ने बताइन ।
वीरगञ्जको घण्टाघर देखि माईस्थान सम्मको सडकखण्डलाइ नो पार्किङ्ग बनाइएको छ । उक्त सडकखण्डमा छेकबार लगाई पार्किङ्ग निषेध गरिएको हो ।
कार्यक्रममा प्रहरी नायक उपरिक्षक मनोजनि कुँवर, गौतम थापा, नेपाल पत्रकार महासंघ पर्साका अध्यक्ष श्याम बन्जारा, वीरगञ्ज् युवा समाजका अध्यक्ष कमल चौगाई, व्यवस्थित वीरगञ्जका दिलिप राज कार्की, युवा वचन संस्थाका पियुष कादमिया, भोलुन्टियर वीरगञ्जका संयोजक राजन श्रीवास्तवलगायतकाहरुको उपस्थिती रहेको थियो ।