काठमाडौं | कोरोना पश्चात वोर्क फर्म होमको अवधारणा विकास भएको छ । पछिल्लो समय नेपालमा पनि विभिन्न क्षेत्रहरु प्रवधिमैत्री बन्दै गएका छन् । यही सन्दर्भमा सेयर बजारका नियामकहरु स्टक एक्सचेन्ज र धितोपत्र बोर्डले पनि विद्युतीय भुक्तानीलाई निकै प्राथमिकतामा राखेका छन् । सेयर बजारमा म्यानुअल वर्कलाई हटाउदै डिजिटाइजेसनमा जाने नीति अबलम्बन गरिएको छ । तर पनि यतिबेला उपयुक्त सफ्टवेयर नभएका कारण डीपीहरुमा म्यानुअल वर्क धेरै छ ।

यसले गर्दा डाटा म्यानेजमेन्ट र ग्राहक सूचना व्यवस्थापनमा धेरै किसिमका समस्याहरु देखिएका छन् । सेयर बजारमा इन्ट्रा डे कारोबारको बहस चलिरहँदा डीपीमा पनि उपयुक्त सफ्टवेयरको आवश्कता देखिन्छ । यही आवश्यकतालाई मध्यनजर गर्दै विगत २० वर्षदेखि निरन्तर सेयर बजारमा अध्ययन, अनुसन्धान गरी उपयुक्त सप्फटवेयरहरु निर्माण गर्दै आएको क्यापिटल मार्केट टेक्नोलोजीज (सीएमटी) ले डीपीहरुका लागि उपयुक्त डीपी ब्याक अपिसको निर्माण गरेको छ ।

यो सफ्टवेयर केही महिनाकै अन्तरालमा करिब २० वटा डीपीहरुले प्रयोग गरिसकेका छन् । कोरोना र लक डाउनका कारण सामाजिक दूरी कायम गर्दै काम गर्नुपर्ने अवस्थामा ब्रोकरहरुमा खाता खोल्न, नवीकरण तथा डीपी सम्बन्धी अन्य कामहरु गर्न व्यक्ति आफैं जानुपर्ने झन्झटलाई यस सफ्टवेयरले समाप्त गरिदिएको छ ।

डीपी ब्याक अपिसमा ग्राहकले घरमै बसीबसी खाता खोल्न सक्नेछन् । साथै, नवीकरण गर्ने सुविधाहरु उपलब्ध छ । नवीकरण शुल्क पनि अनलाइन पेमेन्ट गर्न सकिन्छ । यो सफटवेयरबाट ग्राहकहरुले कस्टोमाइज रिर्पोटहरु जेनेरेट गर्न मिल्नेछ । आय व्यय विवरणका रिर्पोटहरु पनि जेनेरेट गर्न सकिनेछ । यसैगरी, खाताको म्याद सकिएका ग्राहकहरुलाई खाता र अन्य सेवाहरुको नवीकरणका लागि एसएमएस अलर्ट पठाउन सकिनेछ ।

यतिमात्र होइन, ब्रोकरको प्रत्येक शाखाका रिपोर्टहरु जेनेरेट गर्न मिल्ने सुविधा पनि समावेश गरिएको छ । अर्थात, यो सफ्टवेयर प्रयोग गरेपछि डीपीका सबै काम विद्युतीय प्रणालीमार्फत सम्पन्न गर्न सकिनेछ । सेयर बजारका लगानीकर्ता ब्रोकर तथा डीपी कार्यालयसम्म धाउनुपर्ने झन्झट नै समाप्त हुनेछ ।