वीरगंज | थप २४ जनामा कोरोना संक्रमण पुष्टि भएको छ। गण्डकी प्रदेशको स्वास्थ्य निर्देशनालयद्वारा जारी सूचना अनुसार थप २४ जनामा कोरोना पुष्टि भएको हो।नयाँ संक्रमितमा बाग्लुङका मात्रै १४ जना छन्। सो जिल्लाका गल्कोट नगरपालिका र काठेखोला गाउँपालिकामा मात्रै ६/६ जनामा संक्रमण पुष्टि भएको छ।

त्यस्तै, नवलपरासी पूर्वमा २, कास्की ६ र स्याङ्जामा २ जनामा संक्रमण पुष्टि भएको छ।नयाँ संक्रमित सबै भारतबाट फर्किएका निर्देशनालयको सूचनामा उल्लेख छ।योसँगै गण्डकी प्रदेशमा कोरोना संक्रमितको संख्या ३ सय ४८ पुगेको छ। नेपालभर भने ७ हजार ८ सय ७२ जनामा संक्रमण पुष्टि भएको छ।