आज:

भारतबाट कोरोना टेष्ट गरेर पठाउने अपेक्षा गर्न सकिँदैन

वीरगंज संजाल

४ असार २०७७, बिहीबार १४:५८

३२९३

वीरगंज । प्रधानमन्त्री केपी शर्मा ओलीले भारतबाट नेपाल आउने नेपालीहरुको भारतमा कोरोना टेष्ट गर्ने भन्ने कुरा अपेक्षा नै गर्न नसकिने बताएका छन् ।

बिहीबार राष्ट्रिय सभामा बजेटमामाथि उठेका प्रश्नहरुको जवाफ दिँदै प्रधानमन्त्री ओलीले यस्तो बताएका हुन् ।

‘भारतबाट कोरोना टेष्ट गरेर पठाउने अपेक्षै गर्न सकिँदैन । त्यो त एउटा हुल आएको हो । जव एक महिनामा २ लाख ४१ हजार ८६२ जना आउँछन् त्यो कुरै भएन’, प्रधानमन्त्रीको भनाइ छ । उनले भारतबाहेक अरु देशबाट आउनेको भने टेष्ट हुने गरेको बताए ।

प्रधानमन्त्रीले ओलीले अहिलेसम्म बाहिरबाट आएकामा मात्रै संक्रमण देखा परेको भन्दै सरकारको सजगताका कारण समुदायमा फैलन नपाएको दावी समेत गरे ।

‘अहिलेसम्म बाहिरैबाट संक्रमित भएर आएका हुन् । यहाँ समुदायमा फैलिएको छैन’प्रधानमन्त्रीले बाहिरै संक्रमित हुन नदिन नसकिने पनि बताए ।

‘बाहिरै संक्रमित हुन नदिने हामी जादु गर्नसक्छौ र ?’ उनको प्रश्न थियो । उनले कोरोना नियन्त्रणमा खर्च भएको दश अर्ब खर्च गर्न तल पठाएको भन्दै अहिले ‘कता गयो दश अर्व ?’ भन्नेहरुलाई सवै हिसावकिताव पारदर्शी हुने बताए । उनले यो देशमा भ्रष्टबाहेक कोही जन्मदैन भन्ने नियत नराख्न आग्रह गरे ।