वीरगञ्ज । निजी शैक्षिक संस्थाहरुको छाता संगठन प्याब्सन र नेशनल प्याब्सनले सोमबारबाट विद्यार्थीलाई मध्यनजर गर्दै रेडियो र टेलिभिजन मार्फत पठन पाठन शुरु गरेको छ ।

कोरोनाभाइरस संक्रमण फैलने जोखिमका कारण शैक्षिक संस्था लामो समयदेखि बन्द हुँदा पठन पाठनबाट विद्यार्थी बन्चित हुँदै आएका छन् । बैशाखबाटै सुरु हुनुपर्ने नयाँ शैक्षिक सत्र महामारीकै कारण अहिलेसम्म पनि सुरु हुन नसक्दा सम्पूर्ण विद्यार्थीहरु मर्कामा परेका हुन् । सरकारले पनि सोमबार बाट वैकल्पिक माध्यमबाट भए पनि पठन पाठन गराउन आग्रह गरेकाले वीरगञ्जका स्थानिय रेडियो तथा टेलिभिजनबाट पठन पाठन शुरु गरिएको प्याब्सन वीरगञ्जका अध्यक्ष आलोक चौरसियाले जानकारी दिनुभयो ।

प्याब्सन र नेशनल प्याब्सनले वीरगंजका विभिन्न रेडियो र टेलिभिजनमार्फत कक्षा १ देखि १० सम्म सोमवारदेखि दैनिक पठन पाठन सुरु गरेका हुन् ।माई टिभीबाट बिहान ११ बजेदेखि साँझ ५ बजेसम्म कक्षा नर्सरीदेखि ६ कक्षासम्मको पढाइ शुरु गरिएको छ । यस्तै नारायणी एफ.एम १०३.८ मेगाहर्जबाट बिहान १० बजेदेखि १ बजेसम्म कक्षा ७ र ८ को पढाइ सोेमजारदेखी शुरु गरिएको छ भने कक्षा ९ र १० को पढाई रेडियो सान्भी ९६.४ मेगाहर्जबाट बिहान ११ बजेदेखि दिउसो ३ बजेसम्म भइरहेको छ ।

रेडियो टेलिभिजनमार्फत नै कक्षा संचालन गर्नुपर्ने बाध्यात्मक अवस्था रहेको भन्दै उसले सबै अभिभावकलाई विद्यार्थीका लागि चाहिने आवश्यक किताब, कापी लगायतका शैक्षिक सामग्रीको व्यवस्था मिलाइदिन पनि अनुरोध गरेको छ ।YATRADAILY

यस्तो छ अनलाइन कक्षाको तालिका;