एजेन्सी | भारतीय प्रधानमन्त्री नरेन्द्र मोदीले मुम्बईस्थित घरमा झुण्डिएर आत्महत्या गरेका सुशान्त सिंह राजपूतको मृत्युले मर्माहत बनाएको बताएका छन् ।उनले राजपूतको मृत्युले स्तब्ध बनेको भन्दै ट्वीटमार्फत शोक व्यक्त गरेका छन् ।उनले ट्वीटरमा लेखेका छन्, ‘सुशान्त सिंह राजपूत… एक उज्ज्व युवा अभिनेता छिट्टै गयो । उनले टेलिभिजन र फिल्ममा उत्कृष्ट प्रदर्शन गरेका थिए ।’

मनोरञ्जनको दुनियाँमा सफलताले धेरैलाई प्रेरणा दिन्छ भने कयौं यादहरु छोडेर गएको मोदीले स्मरण गरेका छन् ।मोदीले लेखेका छन्- ‘उनको निधनले स्तब्ध भएको छु । मेरो संवेदना उनको परिवार र उनका प्रशंसकहरुप्रति सदा रहनेछ । ॐ शान्ति ।’