वीरगंज । आज लकडाउनको ७७ दिन वीरगन्जमा खुलेको पसल आज देखि पुर्ण बन्द ।  लकडाउनको ७४ औं दिन पछि वीरगंज महानगरपालिकामा पसलहरू सञ्चालनमा आए पनि आज देखि फेरी बन्द गरिएको छ । लक डाउनको समयमा आलोपालो बजार खोल्न अनुमति दिएको यहाँको प्रशासनले २ दिन नबित्दै अत्यावश्यकीय सेवा वाहेकका पसल बन्द गराएको छ ।

बारा र पर्साका स्थानीय प्रशासनले बेग्लाबेग्लै सूचना निकालेर लकडाउनमा त्यस्ता व्यवसाय चलायन रोक लगाएका हुन् । पर्साको वीरगञ्ज बजार शुक्रवार देखि आलोपालोमा खुलेको थियो । कोरोना संक्रमण बढिरहेको र संक्रमणको जोखिम देखिएकाले अत्यावश्यक बस्तु तथा सेवा बाहेकका सम्पूर्ण व्यवसाय  बन्द गर्नुपर्ने प्रशासनको सूचनामा उल्लेख छ ।

संक्रमण फैलिन नदिन पर्याप्त सावधानी अपनाएर व्यवसाय खोल्न भनिएकोमा पालना नभए पछि बन्द गराउनु परेको जिल्ला प्रशासन कार्यालय पर्साका सहायक प्रमुख जिल्ला अधिकारी ललितकुमार बस्नेतले बताए ।

पर्साको वीरगञ्ज र बाराको कलैया बजारमा आलोपालो प्रणालीमा व्यवसाय सञ्चालन गर्न दिइएको थियो । लकडाउनले व्यवसाय चौपट भएको भन्दै स्थानीय व्यवसायीले विरोध गरेपछि प्रशासनले लकडाउन खुकुलो तुल्याएर व्यापार चलाउन सहजीकरण गरेको थियो ।

कोरोनाका संक्रमित बढ्दै गएको र व्यवसायस्थलमा सतर्कता नअपनाएको भेटिएपछि संक्रमण फैलिने जेखिमका कारण अत्यावश्यक बाहेकमा सबै पसल बन्द राख्न सूचना गरिएको पर्साका सहायक प्रमुख जिल्ला अधिकारी ललितकुमार बस्नेतले बताए ।